¡Hola! Utilizamos cookies propias y de terceros para analizar el uso de esta web y mejorar tu experiencia de navegación. Al continuar navegando entendemos que aceptas nuestra política de cookies.    Saber máis - Aceptar.
Secciones
Síguenos en las redes
Buscar
Idiomas disponibles

Camiño de Santiago "A Orixe"

 

A LENDA

Segundo a tradición xacobea, trala morte do Apóstolo Santiago o Maior na cidade de Xerusalén, os seus discípulos recolleron o seu corpo e partiron nunha barca de pedra en busca dun lugar apropiado para darlle sepultura.

Nesta embarcación máxica, que non levaba tripulación nin precisaba de guía, atravesaron o Mediterráneo e chegaron á costa atlántica, para finalmente atracar nun porto nos confíns da terra.

Este territorio estaba dominado por unha raíña pagá, a Raíña Lupa, á que os discípulos pediron axuda para transportar o corpo do Apóstolo, que foi trasladado nun carro tirado por bois ata o lugar onde sería enterrado.

O seu sepulcro permaneceu esquecido durante séculos, ata que un eremita local descubriu o lugar exacto guiado polo resplandor das estrelas.

Este achado sería o xerme dunha das máis florecentes cidades da Europa medieval, unha nova Cidade Santa e unha fermosa Catedral, que atraería a fieis chegados de todo o mundo.

 

 GALERÍAS DE IMÁXES

 


O CAMIÑO

O Camiño de Santiago do Barbanza "A Orixe" fundaméntase no relato da chegada do Apóstolo a Galicia, navegando polas augas da Ría de Arousa e o Río Ulla.

Diversas evidencias, como a existencia de varios hospitais de peregrinos, a proliferación das imaxes de Santiago e máis de 200 fitos relacionados coa tradición xacobea (cruceiros, igrexas, conventos...) poñen de manifesto a existencia dun antigo Camiño durante o medievo que acompañaba por terra o periplo do Apóstolo polas augas da nosa ría.

Hoxe en día, o trazado do Camiño (de máis de 120km) comeza no Faro de Corrubedo e, e través de 5 etapas que discorren polos concellos de Ribeira, A Pobra do Caramiñal, Boiro, Rianxo, Dodro e Padrón, chega ata Iria Flavia, onde entronca co Camiño Portugués para acabar na Praza do Obradoiro, aos pés da Catedral.

A "Asociación Amigos do Camiño de Santiago do Barbanza e Sar. A Orixe" levou a cabo durante anos un intenso labor de investigación e posta en valor para recuperar este Camiño de Santiago que antigamente discorría polo Barbanza.